Alison Drejper iz Jute podijelila je sa javnošću svoju intimnu priču o abortusu koji je imala kada je napunila 40 godina, piše “B92“.
Objasnila je zašto je to morala da uradi.
“Jedan od blizanaca koje sam nosila bio je mrtav, a drugi je imao rascjep kičmene moždine. Bio je u toliko teškom stanju da mu se mozak razvio izvan glave. Nije bilo šanse da preživi, a nije moglo da ga spase ni nekakvo medicinsko čudo. Naši snovi bili su srušeni. Imala sam 40 godina i znala sam da više neću moći da rađam”, ispričala je Alison.
Dok je čekala odluku etičkog komiteta da donese odluku o sudbini blizanaca, Alison je satima plakala u bolničkom krevetu.
“Zdravlje mi je bilo ugroženo zbog mrtvog fetusa. Suprug i ja smo se konsultovali i sa biskupom koji nam je rekao da uradimo ono što moramo. Podsjetio me je da imam još šestoro djece kojima je potrebna majka”, rekla je ona i dodala da je sam proces bio užasan.
“Abortus je bio užasan iako je sve urađeno kako treba. Carskim rezom su izvadili fetuse, a beba koja je bila živa ubrzo je umrla. Čak je i ljekaru koji je uradio zahvat sve bilo užasno. Poslije toga sam godinama patila od posttraumatskog stresa”, dodala je Alison.
